رفاہ انٹرنیشنل یونیورسٹی فیصل آباد میں شعبۂ اردو کا آغاز 2013ء میں ہوا۔ یہاں BS (Urdu)، MPhil (Urdu) اور PhD (Urdu) کی تعلیم دی جاتی ہے۔ تجربہ کار اساتذہ کی رہنمائی، مؤثر تدریسی حکمتِ عملی اور تحقیق پر مبنی ماحول اس شعبے کی نمایاں خصوصیات ہیں۔ مقامی و قومی ضروریات کو سامنے رکھتے ہوئے نصاب میں کلاسیکی و جدید ادب، اسلوبیات، لسانیات، تنقید اور تحقیق کے عملی پہلو شامل کیے گئے ہیں۔

شعبہ باقاعدگی سے قومی و بین الاقوامی سیمینارز، مکالمہ نشستیں اور ادبی تقریبات منعقد کرتا ہے۔ شعبۂ اردو کے زیرِ اہتمام تحقیقی مجلہ “تصدیق” شائع ہوتا ہے، جو ہائر ایجوکیشن کمیشن پاکستان (HEC) کی Y کیٹیگری میں منظور شدہ ہے۔ تحقیقی مراکز، کتب خانے، علمی وسائل اور رہنمائی طلبہ کو معیاری مقالہ نویسی، متن کی تدوین، ترجمہ اور ڈیجیٹل ہیومینٹیز جیسے جدید رجحانات سے روشناس کراتی ہے۔

ہمارے تعلیمی مقاصد میں زبان کی معیاری مہارت (قرأت، تحریر، تقریر)، ادبی ذوق و فہم، تحقیقی طریقۂ کار، تنقیدی سوچ، سماجی آگہی اور قومی و ثقافتی شعور کی آبیاری شامل ہے۔ ان تمام پہلوؤں کے نتیجے میں فارغ التحصیل طلبہ تعلیم و تحقیق، اشاعت و ابلاغ، میڈیا، ثقافتی اداروں اور سرکاری و سماجی شعبوں میں مؤثر خدمات انجام دیتے ہیں۔